| BY | admin | / | 27-01-2025 | / | 51 |
ឯកឧត្តម សុខ ចាន់ភក្តី អនុញ្ញាតជំនួបសំដែងការគួរសម ពិភាក្សាជាមួយអង្គការក្រុមការងារដើម្បីដោះស្រាយទំនាស់ (ក.ដ.ទ)
-នាព្រឹកថ្ងៃចន្ទទី២៧ខែមករាឆ្នាំ២០២៥ ឯកឧត្តម សុខ ចាន់ភក្តី រដ្ឋលេខាធិការក្រសួងព័ត៌មាន ទទួលបន្ទុកកិច្ចការងារសមាគមអ្នកសារព័ត៌មាននៅកម្ពុជា ដឹកនាំសមាសភាពថ្នាក់ដឹកនាំក្រសួងព័ត៌មាន ព្រមទាំង មន្ត្រីនាយកដ្ឋានដែលពាក់ព័ន្ធនិងសហការី អនុញ្ញាតជំនួបសំដែងការគួរសម ពិភាក្សាជាមួយអង្គការក្រុមការងារដើម្បីដោះស្រាយទំនាស់ (ក.ដ.ទ) ហៅកាត់ថា ACT ដើម្បីសុំកិច្ចសហការនៃគម្រោងសារព័ត៌មានសន្តិភាពឬប្រព័ន្ធផ្សព្វផ្សាយសន្តិភាព សម្រាប់ឆ្នាំ២០២៥។
-កិច្ចជំនួបពិភាក្សាផ្តោតទៅលើកិច្ចសហការបណ្តុះបណ្តាលលើយុវជនបង្គោល ដើម្បីការណែនាំអំពីនិតិវធីស្នើរកជំនួយផ្នែកច្បាប់ ក្នុងការដោះស្រាយទំនាស់ ប្រកបដោយសន្តិភាព ព្រមទាំង បញ្ជ្រាបអំពីយេនឌ័រ ទាក់ទងក្នុងវិស័យសារព័ត៌មាន នៅតាមបណ្តាខេត្តជាគោលដៅចំនួន៦ឆ្នាំ២០២៥។
-កិច្ចជំនួបពិភាក្សានៅសាលព្រះវិហារនៃទីស្តីការក្រសួងព័ត៌មាន៕
|