| BY | admin | / | 05-08-2025 | / | 17 |
បន្លាលួសដែលកងទ័ពថៃបានរាយនៅតំបន់អានសេះ កាលពីថ្ងៃទី៤ ខែសីហាឆ្នាំ២០២៥ ត្រូវបានរុះរើចេញ
អ្នកនាំពាក្យក្រសួងការពារជាតិនៃព្រះរាជាណាចក្រកម្ពុជា សូមជម្រាបជូនសាធារណជនជ្រាបថា ស្ថានការណ៍នៅតំបន់អានសេះ គិតត្រឹមម៉ោង ៥:៣០នាទី ថ្ងៃអង្គារទី៥ ខែសីហាឆ្នាំ២០២៥ បន្លាលួសដែលកងទ័ពថៃបានរាយនៅតំបន់អានសេះ កាលពីថ្ងៃទី៤ ខែសីហាឆ្នាំ២០២៥ ត្រូវបានរុះរើចេញ និង គ្រឿងចក្រថៃ ក៏ត្រូវបានផ្អាកការធ្វើសកម្មភាព នៅរសៀលថ្ងៃទី៥ ខែសីហាឆ្នាំ២០២៥ ក្រោយពីភាគីកម្ពុជា និង ភាគីថៃប្រចាំការនៅតំបន់អានសេះ ជួបពិភាក្សា និង ចរចាគ្នា ។
សូមបញ្ជាក់ថា តំបន់អានសេះស្ថិតនៅក្នុងបូរណភាពទឹកដីកម្ពុជា និងត្រូវបានគ្រប់គ្រងទាំងស្រុង ដោយកងទ័ពកម្ពុជាក្រោយពីបទឈប់បាញ់រវាងកម្ពុជា-ថៃបានចូលជាធរមាននៅម៉ោង ១២យប់ថ្ងៃទី២៨ ខែកក្កដា ឆ្នាំ២០២៥ ។
|