| BY | admin | / | 01-09-2025 | / | 11 |
ឯកឧត្តមឈឿន ប៊ុណ្ណារ័ត្ន ចុះជួបសំណេះសំណាលប្រជាជនក្នុងភូមិសាស្រ្តឃុំតេជោអភិវឌ្ឍន៍និងភូមិត្រពាំងភ្លាំង ស្រុកឈូក ខេត្តកំពត។
ឯកឧត្តមឈឿន ប៊ុណ្ណារ័ត្ន រដ្ឋលេខាធិការក្រសួងរៀបចំដែនដី និង ជាប្រធានក្រុមការងាររាជរដ្ឋាភិបាល ចុះជួយមូលដ្ឋានស្រុកឈូក ចុះជួបសំណេះសំណាលនិងត្រួតពិនិត្យវឌ្ឍនភាពការងារជាមួយមន្ត្រីមូលដ្ឋានដើម្បីស្តាប់នូវរបាយការណ៍ការងារទូទៅ នៃជីវភាពប្រចាំថ្ងៃរបស់ប្រជាជនក្នុងភូមិសាស្រ្តឃុំតេជោអភិវឌ្ឍន៍និងភូមិត្រពាំងភ្លាំង ស្រុកឈូក ខេត្តកំពត។
ទីតាំងឃុំតេជោអភិវឌ្ឍន៍ គឺជាអតីតតំបន់សង្គ្រាម ដែលត្រូវបានប្រែក្លាយជាភូមិកំពង់អភិវឌ្ឍ ក្រោមការយកចិត្តទុកដាក់ខ្ពស់ពី សម្តេចអគ្គមហាសេនាបតីតេជោ ហ៊ុន សែន មកជាភូមិអភិវឌ្ឍន៍ សម្រាប់អតីតយុទ្ធជន ៣១៧ រៀបចំកសាងហេដ្ឋារចនាសម្ព័ន្ធរូបវ័ន្តមានផ្លូវ សាលារៀន មន្ទីរពេទ្យបង្អែក និងអគាររដ្ឋបាលដើម្បីសម្រាប់បម្រើសេវាសាធារណៈជូនប្រជាពលរដ្ឋ ជាពិសេសភូមិសាស្រ្តដែលមានលក្ខណៈអំណោយផលសម្រាប់ប្រកបមុខរបរចម្បងជាប្រភេទកសិកម្ម និង មុខរបរបន្ទាប់បន្សំផ្សេងៗទៀត។
|